Raja's Biography

Raja's Live Photo

 *سوانح حیات*

۔۔۔۔۔۔۔۔۔

* کسی شخص کی زندگی کے بارے میں تحریری طور پر جو نوٹ لکھا جاتا ہے اسے سوانح حیات کہا جاتا ہے۔

۔۔۔۔۔۔۔۔۔۔۔۔۔۔۔۔۔

*اسم گرامی (نام)*

۔۔۔۔۔۔۔۔۔۔۔۔۔۔۔۔۔

نام راجہ بیرو خان ہے۔ یہ نام اُس شخص کا جس کی سوانح حیات لکھی جاری ہے۔ ”بیرو“ تُرکی زبان کا لفظ ہے جس کا مطلب ”بہادر“ یا سپہ سلار“ کا ہے۔ لفظ ”خان“ قومی و نسبتی خانیت والی صفت اور راجپوتانہ لقب اور شاہانہ خطاب بھی ہے۔ 

*راجہ بیرو خان*

۔۔۔۔۔۔۔۔۔۔۔۔۔۔۔۔۔

راجہ بیرو خان کی پیدائش گاؤں کالابن محلہ مواڑہ میں ہوئی ۔ آپ کے والد محترم مرحوم کا نام فیروز الدین جنجوعہ تھا۔ 

علاقے میں بیرو خان” راجہ“ کے خطابی نام سے پُکارے جاتے تھے۔ میں اپنی تحریر میں راجہ بیرو خان بہشتی کی تمام سوانح زمانہء حال ہی میں تحریر کرنا چاہتا تھا مگر اُپر ایک جملہ کا خاتمہ ماضی کی طرف اشارہ کر گیا یعنی ”تھے“۔ مطلب یہ کے راجہ بیرو خان اِس دنیائے فانی سے دُنیائے بقاء میں یعنی عالمِ ”برزخ“ میں منتقل ہو چکے ہیں اور اپنی دائمی آرام گاہ میں آرام فرما ہیں۔

*لالہ بیرو مرحوم*

۔۔۔۔۔۔۔۔۔۔۔۔۔۔۔۔۔

یہ خدا کے نیک بندے، نبیؐ کریم کے سچے اور پکے عاشق،اپنے ہم عصران ”میں لالہ“ کے نام سے مشہور تھے۔ میں نے جب بھی مرحوم راجہ بیروخان کے ہم عصران کو راجہ صاحب بہشتی کا نام پُکارتے ہوۓ سنا ہے تو اُن کی زبان سے ”لالہ بیرو“ ہی سنا ہے۔

*راجہ بیرو خان کی طبعیت*

۔۔۔۔۔۔۔۔۔۔۔۔۔۔۔۔۔

راجہ صاحب مرحوم خدا وند قدّوس اُن کی مغفرت کرے، طبعیت کے بے حد حلیم القلب تھے اور شریف النفس تھے ۔

*راجہ بیرو خان اعلیٰ نقاد تھے*

۔۔۔۔۔۔۔۔۔۔۔۔۔۔۔۔۔

مرحوم راجہ بیرو خان نیک بخت ،انسان کا چہرہ بے حد احسن انداز میں پڑھ لیا کرتے تھے۔ مرحوم اُس شخص میں موجود اچھائیاں اور بُرایاں فوراً ہی پا لیتے تھے۔ اُس شخص کی اچھائیوں پر اُس کو داد دیتے تھے جبکہ بُرائیوں کی نشاندہی کر تے ہوۓ اُس کو اُن برائیوں کو جلد ختم کرنے اور خود کو سدھارنے کا نہایت ہی نیک مشورہ عنایت فرمایا  کرتے تھے۔

*راجہ بیرو خان کے اَخلاق*

۔۔۔۔۔۔۔۔۔۔۔۔۔۔۔۔۔

راجہ بیروخان مرحوم للہ تعالیٰ اُن کو اپنی رحمت کی چھت کے سایے میں رکھے، اخلاقی شخص تھے۔ بلکہ جو میرا خود کا مشاہدہ ہے وہ بہترین اخلاق کے مالک اور اعلیٰ کردار کے راجہ تھے۔ یہی وجہ ہے کہ وہ عوام الناس میں” راجہ“ کے شاہی لقب سے مشہور و معروف تھے۔

*مرحوم حاضر جواب تھے*

۔۔۔۔۔۔۔۔۔۔۔۔۔۔۔۔۔

حاضر جوابی کی صفت بھی ایک کمال کا ہنر ہوتا ہے۔یہ ہنر اور کمال جس کسی میں بھی پایا جاتا ہے،اُسے باقی افراد سے ممتاز بنا دیتا ہے۔ میں اپنے ذاتی مشاہدے کو سامنے رکھتے ہوۓ برملا یہ کہتا ہوں” راجہ بیرو خان کو اللہ بَصدقہء رسولؐ جنّت میں اعلیٰ مقام نصیب کرے، مرحوم حاضر جواب تھے اور بڑے تند قِسم کے حاضر جواب تھے۔ مرحوم فوراً ہی محفل کو اپنی ذہانت کے کمال سے محضوظ کر لیتے تھے۔“ 

*راجہ صاحب لطیف شخصیت کے مالک تھے*

۔۔۔۔۔۔۔۔۔۔۔۔۔۔۔۔۔

راجہ بیرو خان بہت ہی باکمال،بہَ روب اور ہنس مُکھ قِسم کے انسان تھے۔ لطافت و شرافت مرحوم مغفور کے کردار کی اہم ترین شناخت تھی۔ بات خوب واضح کیا کرتے تھے۔ مگر ایک عام مجھ جیسا سوانح نگار مرحوم کے لحجہ کو جلدی نہیں پڑھ سکتا تھا مگر مرحوم اپنی بات کو دہرا کر ایسے نشر کیا کرتے تھے کہ اچھی طرح واضح ہو جاتی اور ساتھ ہی ساتھ قابلِ فہم بھی ہو جاتی تھی۔

*مرحوم کچہری بُردار شخصیت تھے*

۔۔۔۔۔۔۔۔۔۔۔۔۔۔۔۔۔

راجہ بیرو خان سماجی،سیاسی اور مذہبی اعتبار سے بے حد معتدل رجحان کے حامل شخصیت والا کردار رکھتے تھے۔ مرحوم کو ہر چھوٹی بڑی پنچایت یا کچہری میں مدعو کیا جاتا تھا اور مرحوم شوق سے پنچایت یا کچہری میں تشریف لے جایا کرتے تھے۔ متعدد بار ایسا بھی ہوتا رہا ہے کہ مرحوم بیروخان کو ہمارے گاؤں کالابن کے لمبردار جناب سردار یعقوب خان بہشتی مرحوم پوری پوری کچہری یا پنچایت کا فیصلہ سونپ دیتے تھے تو راجہ بیرو خان بے حد غیرجانب داری سے کام لیتے ہوئے اپنا فیصلہ سنا دیتے تھے۔ کیا مجال کے راجہ صاحب مرحوم کی جانب سے صادر کیا گیا فیصلہ فرقین کو نا منظور ہوا ہو یا کبھی نا پسند ۔

*خوش مزاجی اور سلیم مزاق*

۔۔۔۔۔۔۔۔۔۔۔۔۔۔۔۔۔

راجہ بیرو خان مرحوم مزاجاً ہوش تھے مگر سامنے والے کو محسوس نہیں ہونے دیتے تھے۔ مرحوم بڑا پُر متانت مزاق کیا کرتے تھے کہ سامنے والا ہنس ہنس کر دہرا یعنی لُٹ پُٹ ہو جاتا تھا۔ “

*جموں ہوٹل کا ایک واقع*

۔۔۔۔۔۔۔۔۔۔۔۔۔۔۔۔۔

مولانا مختار احمد خان ،امام و خطیب جامع مسجد تاراکوٹ نے مجھے مرحوم کے بارے میں ایک دلچسپ واقع سُنایا کہتے ہیں، ” میں اور لالہ مرحوم جموں ایک ہوٹل میں بیٹھے اور ویٹر کو چاۓ کی ڈیمانڈ دی۔ حالانکہ لالہ اُس وقت بیمار تھے اور ڈاکٹر نے انھیں چاۓ نہ پینے کا مشوَرہ دیا ہوا تھا۔چنانچہ ویٹر ہماری ڈیمانڈ پر چاۓ لے کر آ یا اور ٹیبل پر رکھ کے بولا، ”صاحب ساتھ میں کیا لینا ہے؟“ لالہ نے ویٹر کو اپنے قریب بلا کر کہا ، سنو ساتھ میں ہمیں کچھ نہیں چاہیے بس تم ایسا کرنا جب گلاسیوں سے ہماری چاۓ ختم ہو جاۓ تو ایک بار پھر ان گلاسیوں میں چاۓ ڈال کر بھر دینا۔“ 

*راجہ بیرو خان پر فالج کا حملہ*

۔۔۔۔۔۔۔۔۔۔۔۔۔۔۔۔۔

راجہ بیرو خان مرحوم دن بھر اپنے گھر کے قریب ایک دیوار بنانے کے کام میں مشغول رہے، پھر دن کا اجالا ختم ہوا اور شام کی کالی چادر گہری ہونے لگی کہ اچانک مرحوم موصوف پر فا لج کا حملہ ہو گیا۔ جب مرحوم موصوف پر فالج کا حملہ ہوا تو تاریخ 2 اپریل تھی اور سال 2018 تھا۔ 

Raja's No more Pic

*راجہ مرحوم کی وفات*

۔۔۔۔۔۔۔۔۔۔۔۔۔۔۔۔۔

راجہ مرحوم کی وفات بھی اچانک ہی ہو گئی تھی۔ ٹھیک ٹھاک رہے، ایک لائن مین سے باتیں کیں، گھروالوں سے باتیں کیں۔ اپنے بسترے پر آرام کی خاطر لیٹے،آنکھ لگ گئی ، اسی حالت میں جسمِ خاکی سے روح پرواز کر گئی اور مرحوم 2 اپریل 2022 کو ٹھیک ایک روز قبل ماہ رمضان شریف کے اپنی جان جانِ آفرین کے حوالے کر گئے۔

مرحوم کی اولاد:   نزاکت خان جو موجودہ وقت میں محکمہ پولیس میں بطور اسسٹینٹ سب انسپکٹر کے عہدِ پر فائز ہیں، شکیل احمد خان، صداقت خان بھی محکمہ پولیس میں خدمت سر انجام دے رہے ہیں۔ مرحوم کے صاحبزادوں کے علواہ دو بیٹیاں بھی ہیں جن میں سے ان کی بڑی بیٹی ثریا بی کی وفات ہو چکی ہے ۔ جب کہ مرحوم کی زوجہ محترمہ کا نام زرینہ بیگم ہے۔ یہ بھی بڑی نیک ہیں۔ اللہ انھیں اپنی اولاد کے سر پر تا دیر !سایہ کی طرح سلامت رکھے۔ اِمین! 

** ** ** ** **

Writer: Qari Rameez Raja Sustani

*سوانح نگار:* 

قاری رمیز راجہ سیستانی

مقام: کالابن،موڑہ

تحصیل: مینڈھر

ضلع : پُونچھ

جموں و کشمیر